王祖藍曾因工作關係，全家搬到內地生活，北上掘金多年被指身家暴漲。近年王祖藍回流香港居住，李亞男與兩名女兒都跟隨左右，一家四口居於王祖藍以李亞男名義，花1.1億元購入白石角逸瓏灣II頂層特色戶，生活舒適。

近日鄺文珣在社交網分享短片，爆李亞男竟以「開唔到夾萬」為由，無法派利是給鄺文珣仔女。鄺文珣指：「琴晚半夜有人打電話話畀我，話我聽日可能派唔到利是畀你仔女，因為佢打唔開夾萬，我話我借住錢畀你先。」李亞男笑言：「畀錢我冇著數，我夾萬打唔開，還唔到畀你㗎！」笑到爆肚。