衛詩雅（Michelle)今日（8/2）現身銅鑼灣出席婚前最後一個公開活動。Michelle接受《香港01》訪問時表示：「 婚禮我會分兩日進行，2月16日同3月16日。點解要分兩日搞，唔一日一次過搞晒，係因為怕太過趕又怕太複雜。同埋距離行禮日子都好近，雖然有好多嘢都已經安排好，但始終都會怕有啲嘢會甩漏，變咗呢排瞓覺都唔係瞓得幾好，晚晚都會壓醒。」

Michelle續指2月16日當日姊妹團相對較少，只有陳家樂、周家怡和前經理人：「因為嗰日去嘅地方會比較多，變咗當日姊妹係比較少。初初陳家樂佢結婚嘅時候，應承我到我結婚嘅時候做我姊妹，但今次佢唔肯着裙，唯有到時準備家對高踭鞋俾佢着。而3月16日當日先會有傳統啲嘅儀式，亦會有開門利是嘅環節。」