「御用傻仔」戴耀明內地做男一 劇組尊稱戴老師:有保姆車接送

撰文:林通賢
出版:更新:
戴耀明在無綫多演配角,但在國內反而當了愛奇藝電影《爆裂老婆三歲夫》男主角。

眾所週知,無綫藝員人工偏低,即使你是一綫小生花旦,都和國內差十萬九千倍,如果是綠葉演員更加不用說,隨時得萬多元一個月,好像網民很喜愛的綠葉王戴耀明,無論排長或動L哥等角色,雖然戲份少,但就十分搶鏡,但入行25年,雖然穩守配角位,但要更上一層樓就不容易,在無綫冇機會,不過在大陸反而上位,戴耀明早前在國內拍了一套愛奇藝網絡電影《爆裂老婆三歲夫》,更飾演男主角,他接受《香港01》訪問時,說:「真係估唔到有做男主角嘅機會,自己知自己事,喺無綫多數做配角啦,可能有時得幾場戲,但明嘅,咁喺無綫未揾到飽飯食,就要出去諗下計啦,但冇無綫亦冇人識我戴耀明。」

戴耀明在大陸劇亦是演配角,但戲份重好多,更有個人海報宣傳。

戴耀明雖然有拍大陸劇,但仍是無綫藝員,現忙拍《果欄中的江湖大嫂》,他說:「我做一個角色都幾攪笑,講陳煒唔知點解跌咗條底褲,我就偷咗佢,仲攞嚟聞,哈哈」,在無綫依然要做諧星,但在國內他的位置高很多,尤其愛奇藝,除了電影當男主角,剛完成的網劇《大清神捕》《明朝刺客》都當配角,就連宣傳海報都排在中間位置,他說:「國內資金真係好多,亦好鍚啲演員,點會估到我都有保姆車接送,私人助手俾我?拍一組12個鐘有3至4萬人仔,有時拍幾個鐘都照收,根本上係我無綫兩個月人工,但唔係講客氣說話,冇TVB我冇呢啲揾銀錢會,因為佢哋演員、劇組都叫我戴老師,原來佢哋都係睇TVB劇大,因為咁先識我,所以我好多謝TVB。」

+2