【Big Big Channel】滿月宴又派iphone 黃翠如輕鬆袋2萬
撰文：郭敏玲
出版：更新：
唔經唔覺，TVB推出的社交平台App「Big Big Channel」已經一個月，所以要搞返個滿月宴。高興日子當然要講下數字，就係個App總下載量已經有128萬。與此同時，梗係再派多次iPhone，呢啲員工福利應該人人都有嘅。
最精彩就是派錢環節，有不少藝員都有份攞錢，1千至5千不等。不過講到最勁就是黃翠如，她總瀏覽量有10萬，獲得最高瀏覽量藝員獎，有2萬港幣作為獎勵，計返條數，即係有一個人睇就有5毛賺，好似都幾好pay。
黃翠如最勁，總瀏覽量有10萬。（梁碧玲攝）
另一邊廂，全台直播最多的譚偉權都有獎攞㗎，他得到最具創意獎，有1萬5千元落袋。問返譚偉權時，佢又開live喇！開住live話自己live了過百次。再計返條數，當譚偉權live 100次，他每次就有150蚊。後來他再補充：「我諗唔係睇瀏覽量，係睇觀眾送咗幾多禮物畀我，我睇返都有11萬幾。」如果再咁計，據之前無綫高層杜之克的說法，禮物的收益會再扣除行政費，或者譚偉權及黃翠如的分紅收益，有方程式可計。
譚偉權live得最多，攞獎係實至名歸㗎！（梁碧玲攝）
最後，問到譚偉權有1萬5千元落袋算唔算好賺，他說：「冇話好唔好pay嘅，我本身玩直播都冇諗過有得分紅，咁有錢收嘅話，梗係再live落去，因為我都鍾意唱歌。」他還大讚公司派iPhone加送10gb 4G上網plan好好：「真係慳咗好多，而家直播都用公司手機。（過去電話費花了多少錢？）舊嘅事就唔好提喇。」
有唔少藝人都有獎攞。（梁碧玲攝）