「泰版Angelababy」奪變性選美冠軍 20歲挑戰最美Poyd?

撰文:溫菁莉
出版:更新:

講起泰國演員,相信10個有8個都會第一時間諗起Tony Jaa,近期上映的泰國電影《出貓特攻隊》短短開畫四天已速破500萬港元票房,仲帶挈戲中一眾演員成為熱搜之選,唔通一股「泰風」會吹襲香港?日前,泰國方面就舉辦了一年一度的Miss Tiffany變性人選美大賽,今屆嘅冠軍就係有「泰版Angelababy」之稱嘅Yoshi Rinrada奪冠,今年20歲嘅佢2015年就憑劇集《為愛所困》走紅,當時她否認變性傳聞,透露只整過嘴唇和隆乳整形手術,在拍完該劇後才正式完成變性手術。媒體報導她是變性人後,隨即就將她與曾參演香港電影《掃毒》嘅 Poyd比較,大家又覺得邊位靚D呢?

Yoshi Rinrada有「泰版Angelababy」之稱。
+9
Yoshi嘅爸爸亦有到場支持愛女!

Yoshi Rinrada自小對洋娃娃情有獨鍾,長大後就向家人坦誠想做女兒身,但一直遭家人嚴重反對。直到其後踏入演藝圈受矚目後,家人才放低偏見,接受Yoshi做變性手術。當晚Yoshi在 Miss Tiffany比賽勝出後,爸爸亦有到場恭賀愛女勝,Yoshi其後亦有在Instagram感激父親到場。Yoshi今次除了奪冠名氣可以更上一層樓外,更可獲15萬銖現金、一輛汽車還有其他獎品。

2013年曾拍攝港產片《掃毒》Poyd,被形容為「最美變性人」。
+1

提到泰國變性人就一定要提到曾來港發作嘅Poyd,她2004年同樣憑Miss Tiffany比賽奪冠,更有「泰版最美變性人」之稱。而2013年拍攝港產片《掃毒》,戲中仲同影帝張家輝激嘴,相信令唔少人印象深刻。她早年亦透露由變性至加入娛樂圈背後承受不少壓力,因為一直不獲父母支持。近年她主要工作就以主演內地電影為主,唔知Yoshi會唔會踏師姐Poyd後塵來港發展呢?!