【燦爛的外母】姚子羚咀完陳山聰再吻林嘉華 24歲忘年戀網友喊驚
撰文：林通賢
出版：更新：
《燦爛的外母》本星期首播，除了家燕媽媽、馬莊外，不少人討論劇中另一對情侶，就是60歲林嘉華配36歲姚子羚，二人相差24年，其實年紀不是問題，最大問題是一向走型格路綫的嘉華哥，在這套劇竟然變咗口花花的𡃁仔，顯得極度格格不入，要知嘉華哥一向走成熟路綫，尤其幫hktv拍的《警界線》飾演軍哥，型到不得了，又怎會估到他在這套劇，竟然改變戲路，而在預告上他更會咀36歲姚子羚，二人相差24年，不少網友看到預告，都覺得姚子羚拍這套劇，附出隨時比《同盟》更加大......
《同盟》姚子羚同陳山聰談情，想不到早一個鐘就同林嘉華。
雖然網友就好震驚，但姚子羚就好識做，表示不介意這96歲之吻，更笑說過多4年是過百歲之吻，而「撮合」嘉華哥和姚子羚的，原來就是女主角家燕姐，他在《燦》劇造型記者會時表示：「我專登打俾家華嘅，覺得嗰角色好啱佢，好彩佢都有時間，不過我同嘉華喺套劇就冇感情綫嘅。」其實如果嘉華哥同家燕姐有感情綫，可能收視更理想喎，不過TVB近年都愛推崇黃昏之戀，之前《愛‧回家》就有黎耀祥咀毛舜筠，早前《賭城群英會》陳百祥咀陳法蓉，係囉，其實睇睇下就慣㗎啦。
+3