【是咁的，法官閣下】法律系麥明詩演律師：對呢個行業好理解
撰文：張嘉敏
出版：更新：
麥明詩今日出席新劇造型記者會，於劍橋大學法律系畢業的她在新劇中會演一名律師。（梁碧玲攝）
法律系畢業的Louisa演律師，會比其他藝員更容易掌握了吧。（梁碧玲攝）
做律師不是夢，於劍橋大學法律系畢業的麥明詩（Louisa）這日以律師形象現身無綫新劇《是咁的，法官閣下》造型記者會，她在新劇中飾演新晉律師。Louisa開心地表示：「好多謝監製搵我做這個角色，監製對我做了好多research，角色同我真人有好多地方相似，好似對公義的睇法和社會價值觀等。讀過法律對演這個角色絕對有幫助，但做同讀是兩件事，讀書時我都有在律師行工作過，加上身邊朋友大部分都是律師，自己對這個行業都好了解，如遇有不懂得的地方都有send信息問律師朋友。（有無問林作？）有問朋友。」她又謂劇本其中一句對白：「其實有邊個唔想買層樓好好咁生活吖？」是她的心聲。
對於在這套新劇中做女二，Louisa說：「這次是我第4次拍劇，又無去諗係咪做女二，不過今次的戲份確是比之前重咗啲，是我拍劇以來戲份最重的一次，我會好用心去做，會睇多啲劇本，再了解多啲，同劇中其他演員建立默契。（網民批評你演技幼嫩，有無壓力？）演技方面我在漸漸學習中，覺得自己都有進步，最初時會好緊張，現在懂得放鬆心情去應付，而且我對監製有信心。」