梁烈唯交通意外雖留陰影 不覺「黑仔」反覺好幸運
撰文：張嘉敏
出版：更新：
又嚟大合照時間。（梁碧玲攝）
梁烈唯表示他的腳傷已好返八成。（梁碧玲攝）
梁烈唯（唯唯）早前拍劇被車撞傷腳，這日他出席新劇《是咁的，法官閣下》造型記者會，走路時仍有少許拐拐下，問到唯唯腳傷的康復情況，他說：「好返好多，可以自己行，只是不是正常步姿，遲些要再覆診。（有無留有陰影？）有，陰影不是因今次受傷，而是近排自己同交通事故比較近，產生了恐懼，坐在車內都會驚跟車太貼，聽到『嘭』一聲都會特別緊張，要畀時間慢慢克服。」
至於可會覺得自己近排很「黑仔」，唯唯說：「我反而覺得好好彩，遇到交通意外卻可以全身而退，好幸運，都好感謝為我送上祝福的朋友。自己的安全意識亦都提高咗，事發後都有諗如果我走咗（離世），咁我老婆同囡囡點算？個女仲咁細，會覺得好對不起她們。所以我以後會更愛錫自己，更加小心，今次好彩可以有返條命，會更努力工作同做更有意義的事。」