【港姐2017】泳衣出場睇真啲 5號雷莊𠒇最淡定
撰文：何志衡
出版：更新：
首先答問題嘅係何依婷、梁雯蔚、黃瑋琦、雷莊兒。
+18
嚟到泳衣問答環節，今次由網民經過Big Big Channel發問問題。
着慣泳衣嘅５號雷莊𠒇（Juliette）表現得最有自信，但係由於中文水準麻麻，喺答問環節就爆出好多笑話。
網民問佢如果叻哥陳百祥係佢親生爸爸，點說服叻哥認番佢？Juliette用唔鹹唔淡廣東話答：「介紹自己，識佢少少先。」又話：「想知佢狀態係點。」森美即笑佢：「做你老豆要知狀態係點？」叻哥忍唔住幫口：「答得好答到佢哋唔明，得我明。」跟住Juliette又指想知道叻哥嘅性格同人碞，如果係好人至會承認佢呢段關係，全場大笑。
+25
６號邱晴被問到如果宣萱同DoDo姐一齊跌落水佢會救邊個？邱晴原來唔識游水，但佢竟然答：「我會跳落去同佢哋一齊浸死，因為想同佢哋去第二個地方生活落去。」嚇到DoDo姐搶住講：「我救你我救你。」森美最抵死：「最驚宣萱同DoDo姐上天堂得你落地獄啫！」