【澳門小姐起底】麥嘉欣好唱得　組「飛彈兄妹」參加《星光大道》

剛過去星期日播完嘅《香港小姐競選2017》都算是係今個星期嘅熱門話題之一，因為冠軍雷莊𠒇（Juliette）似乎就未能獲得觀眾嘅愛戴喇，更有不少網友到Juliette嘅Instagram留言，日前她在網上直播中仲被指態度囂張。今日就有網友揾返2017年國際小姐嘅澳門代表麥嘉欣（Sofia  paiva）作比較，咁又難怪嘅因為Sofia係澳門土生土長廣東話超流利，比起Juliette嘅英文難免會有比較，網友仲話見到Sofia感覺到有春天嘅氣息，認真誇張！！！

今年20歲嘅Sofia（全名：Sofia vanessa dos santos paiva）身高5呎7吋，係澳門土生土長嘅佢現在係聖若瑟大學讀心理系，更將於11月14日做澳門代表參加係東京舉行的國際小姐競選。睇返資料佢就話希望成為一位成功的心理學家，有中葡血統嘅Sofia現職為大學生兼模特兒，係佢個人Instagram中有不少靚相。