【港姐2017】朱千雪又係因為制度失冠：可能公司下次會有其他方式

話說昨晚朱千雪(Tracy)在Big Big Channel開Live同廣大粉絲一齊傾《踩過界》，不過中途就有一個小插曲，就是應屆落選港姐伍樂怡(Kelly)加入了chat room，Tracy見到後相當興趣，即刻打招呼：「Hello Kelly，我係朱千雪呀，點解我會同你打招呼呢，因為我覺得你好靚女，同埋嗰晚港姐我唔喺現場，但我一路以嚟都覺得你表現好好同埋好靚，希望你嚟緊會加入TVB，我可以同你一齊做嘢喇。」原來Tracy係Kelly忠實Fans，唔知將來會否真的有機會合作呢？

雖然Tracy今日第一日開學，不過《香港01》記者都好想知道佢對Kelly落選有甚麼睇法，她說：「昨晚無端端見到好像是她login, 但其實到現在都不知道是否真的是她。Kelly Miss hk interview 的時候有留意她，覺得她好漂亮。但還未見過她，也沒有合作過。有無拿獎其實無所謂，最重要是能走完選美這條路已經是一個成就。希望她將來找到她自己想做的工作！另外，我覺得她身形同樣貌都比我好，所以女神應該是她！」Tracy一直都公認為網民的女神，而家連佢都大讚Kelly為女神，真係惺惺相惜。

除了Kelly，未知Tracy又點睇新任港姐冠軍雷莊𠒇呢？她說：「我當晚無看，但之後留意到新聞。我覺得她EQ 好高，剛出來要面對負評不容易，也是每個藝人都要面對的。我到現在都常常給人話肥，當初會很不開心，但到現在發現其實每個人都一定有人喜歡同不喜歡。最重要的是有身邊的人支持同埋自己對自己有信心。這樣我覺得今年的香港小姐已經做到，所以希望她能enjoy今年身為現任香港小姐的身份！」Tracy都肥？咁究竟咩嘢係瘦…

不過今屆選舉制度又鬧出一個大笑話，事關do姐一人兩票實在太不能夠說服人。想當年Tracy參選的時間，也是首次實行全民投票選港姐，不過就因為死server而流產，最終都係TVB自己決定，有好多人認為當時民意十分高的Tracy不應只有季軍。又係制度出事！唔知Tracy今次又點睇呢？她說：「我入行雖然不久，但其實時代跟年代都見到有變化。當年我們全民投票是一個新嘗試，其實今年也是。所有新野都是有失敗或受人批評的機會，就等於現在觀眾對我們港姐的要求和審美眼光都比以前不同啦，所以公司都是想帶一些新嘗試給觀眾，可能經過今次後，公司下次也會想到其他大家比較喜歡的選美方式！」希望TVB下年的選舉制度不要愈來愈奇怪最好了。