【使徒行者2】陳豪「大叔頭」佬味濃十倍　2017秋冬中佬必跟

講起男士髮型，早兩年都仲hit緊「蛋撻頭」，不論何時何地，all back、喪gel、屹立不倒，最緊要緊貼個潮流就得喇。不過當你以為自己走在最尖端時，潮流呢家嘢話變就變，咁2017年秋冬又hit啲咩頭？講你都唔信，就係「大叔頭」。隨著叔控有增無減，男士髮型都有所配合！想知咩叫「大叔頭」，睇娛樂圈男星的最佳示範就一清二楚，就好似陳豪、陳奕迅及敖嘉年等，他們已默默換上「大叔頭」，為一眾男士提供秋冬髮型指標。唔講咁多，不如睇相參考下！

講起「大叔頭」，最主要的元素就是要夠「曲」！不論「曲到直」還是「曲到圓」，髮尾都要有少少捲起。比起整個頭都是曲髮，更有自然感，看起來不會是一堆雜草，更加清脆俐落。另一個重點，就是頭髮要側分，然後再從髮根稍稍電一下，看起來比較蓬鬆，記緊要蓬鬆！因為這個細節位打救了不少人！至少剛才所講的例子，他們不約而同是「高額一族」，髮型稍一不慎，就會暴露缺點。所以蓬鬆感很重要，加上頭髮旁分之下，少了「蛋撻頭」的煩惱，稍為遮掩高額。之後其他部分，你想長又得，undercut又得，得咗！「大叔頭」充滿歐美復古味道，佬味指數激增200％。

就好似陳豪在《使徒行者2》入面，他是飾演黑幫大佬。可是驟眼一望，陳豪整個外形，由「大叔頭」以及一身有型的西裝打扮，你又怎會看得出他是黑幫大佬？還以為他是個彬彬有禮的富家弟子。原來這身打扮是監製原意，想有別一般黑幫大佬，所以才會有「大叔紳士風」出現。就算之後陳豪同烈女宣萱有一段情，都會因為呢一個髮型，呢一個look而變得含蓄、浪漫！唔再需要所謂的江湖味！

而敖嘉年同陳奕迅，甚至更多擁有「大叔頭」的人，少了「高額」的煩惱，自信自然返晒嚟！所以就算配上休閒風、韓風，咩風都好，整體都會變得更加精神爽利，一句講晒，就係活潑開朗有吸引力！仲整咩拖泥帶水嘅蛋撻頭呀？「大叔頭」才是王道，各位男士快來迎接更多叔控喇！