【使徒行者2】泰國小姐Maythavee色誘白褲袁偉豪：我覺得佢好靚仔
撰文：溫菁莉
出版：更新：
TVB劇集《使徒行者2》唔知係咪有內地片商投資，終於唔再係成日見慣見熟嘅廠景。特別飛到泰國實地取景，又見到唐人街，同tuk tuk車，唔講以為睇緊泰國戲！而今晚嗰集袁偉豪仲著住條白色泳褲被泰國女演員Maythavee Weiss色誘，我們就透過Facebook揾到Maythavee講下今次拍攝《使徒行者2》的經過，至於講到今次嘅對手袁偉豪，Maythavee就直言不知道對方是誰，「我淨係同佢合作了一日，但我覺得佢係一位好nice 嘅人，同埋好有禮貌，當然我都覺得佢好靚仔！」
今晚同袁偉豪有對手戲嘅，係泰國女演員Maythavee Weiss。
+3
Maythavee有·1米73高，身材真係幾好！(Instagram 圖片)
原來Maythavee Weiss都大有來頭，佢曾於2010年奪的選美比賽「Miss Supranational Thailand 2010 (泰國跨國小姐)」第4名,比賽中一共有來自全球95個國家佳麗，所以Maythavee 奪第4名都算係為泰國爭光！而今次亦是Maythavee首次拍攝香港劇集，「感覺都好有趣，我去年曾同曾志偉合作過拍電影，但電影應該未上映！」Maythavee指今次拍攝《使徒行者2》只拍了幾個場口，並表示自己好少認識香港嘅藝人，除了成龍之外，「我知道有位model 叫Ase wang，佢而家都係曼谷定居。」睇返資料，中瑞混血兒嘅 Ase wang叫王惠敏2014年出道，仲同過余文樂傳緋聞。講返Maythavee，現職模特兒同演員嘅佢，不時在Instagram上載自己日常工作嘅靚相，性感相更加唔少得！
【使徒行者2】每集引用金句勁扮嘢 原來係抄美劇《犯罪心理》【使徒行者2 】大叔控請尖叫！ 袁偉豪瘋狂晒肌仲要露埋股【使徒行者2】55歲黃文標有穩定女友 做奸角慘被伯母誤解係衰人【使徒行者2】歡喜哥開直播話陳煒太快死：可以再交代得多啲【使徒行者2】三哥泰國飆車暴走 頭搖尾擺似足拍《頭文字D》
+5