《囍趣台》影射高層被禁播11年 余詠珊解封:有影射我都唔介意

撰文:溫菁莉
出版:更新:

唔知大家仲記唔記得今年5月,TVB將10年倉底貨劇集《蘭花劫》重見天日,最近TVB就將2006年由林曉峰和錢嘉樂主持的《囍趣台》解禁,將於下星期在Big Big Channel播映,盛傳當年因為節目中大爆高層秘密而遭停播,因此我們就致電俾TVB助理總經理余詠珊求證,她笑言,「如果有影射我我都唔介意架,都係搞笑下。(但可能會引起其他高層不滿?) 如果真係有任何影射高層嘅,都會事前問準過佢地先,如果係介意嘅都會剪走。」

余詠珊證實《囍趣台》預定在10月第一個星期在Big Big Channel 播出。

對於今次《囍趣台》破土相隔10年終於再次係Big Big Channel 播放,余詠珊直言係因為覺得搞笑所以決定播出,「因為最近我地自己睇返都覺得幾好笑,應該係要俾觀眾睇到。(會否cut走好多內容?)我睇過d片大部分都無剪走,儘量係俾原汁原味俾觀眾睇到!」

由林曉峰和錢嘉樂主持嘅《囍趣台》原本在2006年播放,有傳聞指該節目內容敏感,懷疑得罪電視台高層,最終被禁播。

提到在2017年再講返2006年嘅事,無論畫質同內容會否覺得太過時?余詠珊就話,「畫質的而且確係同而家無得比,但係手機睇係無問題嘅,如果係放係TVB播當然唔得喇。」咁會唔會揾返由該節目主持人林曉峰同錢嘉樂幫手宣傳?佢就話,「我地都揾緊佢地,希望可以幫手喇!」最後再問到她可否劇透下節目係咪真係會爆高層秘密,余詠珊都係嗰句,「你睇過咪知咯!」認真識做宣傳!!