新一輯《美女廚房》重現Big Big Channel 經典主持粥粉麵飯無影
撰文：溫菁莉
出版：更新：
一講「美女廚房，食咗先講」相信大家都一定會諗起2006年由鄭中基，梁漢文同方力申主持嘅綜藝節目《美女廚房》，最近TVB又再喺Big Big Channel將節目復活，但節目主持就換上6號陸浩明。BTW今次《美女廚房》實在冇得同舊版比，因為昨晚第一集嘅評判就請嚟張振朗同一位廚師以及兩位參加過《我係小廚神》嘅小朋友做評判嘉賓，評論當然無以前咁好笑同毒舌，仲要無四位女助手粥、粉、麵、飯，咁究竟仲係唔係《美女廚房》呢？
Big Big Channel昨晚就播出《美女廚房》第一集，邀請了蔡思貝同譚凱琪做嘉賓。
+3
2006年播出嘅《美女廚房》大受歡迎！
估唔到最後Zoie竟然變了地獄廚神！
記翻起當年嘅《美女廚房》真係集集都被一班主持人同嘉賓笑到氣咳，節目中仲會分「美女廚神」同「地獄廚神」，節目最後一輯《天堂地獄爭霸戰》仲係當年遊戲節目收視之冠，因為有270萬觀眾，對而家嚟講，簡直係天文數字！講番昨晚播出嘅新版第一集，就請嚟蔡思貝同譚凱琪（Zoie）做嘉賓，食材仲要有八爪魚，但二人煮起嘢上嚟冇話好騰雞，都幾淡定，但節目最吊詭嘅係評判只係俾分蔡思貝，而譚凱琪煮嘅雖然被一班評判彈，去到節目做完更加係冇俾到分，相信睇live嘅觀眾都唔知發生咩事。我哋亦有問返譚凱琪昨晚最後係點？佢就表示自己係地獄廚神︰「平時都有煮嘢食，昨晚嘅菜式味道不差，如果到時嫁唔出去要搵BigBigChannel 負責！」
其實近日Big Big Channel都好似有鋪「復活」癮，日前TVB助理總經理余詠珊亦證實，之後會將被禁播11年嘅綜藝節目《囍趣台》安排下星期播放，究竟TVB幾時先會再有一個全新節目，真係要拭目而待一下！