謝霆鋒開talk講發迹 董伯伯撐場講足15分鐘:想成功就學佢!

撰文:林迅景
出版:更新:

謝霆鋒除了是歌星影星之外,近年也大搞佢自己嘅節目《十二道鋒味》。今日(9月27日)更受邀出席科技展為他舉辦的「鋒味人生」講座,講下佢嘅奮鬥史,仲順便宣傳下佢新搞嘅創意平台「鋒助人生」。嘩!咁好嘅機會真係唔可以錯過。

攝影:林迅景

呢個「波」係咩呢?原來係新科技「360度無死角鏡頭」。

講座開頭就當然講下「想當年」啦!首先謝霆鋒就說到「想當年」當錄音拍戲時,用的都是菲林:「以前拍戲氣氛非常之嚴謹,可能宜家就輕鬆啲。嗰時差唔多$2.2一格,每秒起碼100格。」所以遇着林超賢嗰啲大導演都會好嚴肅,講完拍戲成本後,霆鋒就開始說到自己的發迹史。

接完個咪董伯伯足足喺台上講咗15分鐘,期間仲拍着謝霆鋒個膊頭表示肯定。

霆鋒開始搞電影後期公司,開設嘅原因是源於當年自己的MV,在香港找不到技術去做,所以需要外求。而霆鋒就決心自己開設公司去學習這種技術,想當年他賺到首期之後,就把西環的樓宇做按揭去開公司。但是好景不常,3年之後正值是轉型數碼的時期。霆鋒説:「當時所有買二手器材都用唔到,想當然就係蝕咗好多錢...之後辛苦咗8年DD(數字王國)就話好欣賞我嘅網絡,想收購我間公司。」之後霆鋒表示,想起了「引進先進技術的初衷」,才建立他的後期製作公司,所以最後就決定與DD合作。霆鋒話:「兩年之後參加《速度與激情7》(港譯:狂野時速7)等嘅製作。」

睇下霆鋒幾專心聽董伯伯講嘢!
去支持撐場嘅,仲有老闆楊受成同埋容祖兒。

講到呢度係咪好感動呢?謝霆鋒講完開公司,仲「順便」講下自己在「飲食」上的抱負。更用英文說:「We have nothing,nothing is Chinese。That's a big problem,and it sucks。」之後才解釋道:「我希望可以用『鋒味』嚟建立我哋自己嘅美食品牌。例如賣走地雞嘅會有QR code。掃一掃就可以知道隻雞喺邊度嚟,同埋佢嘅居住環境。」說到這裏,全場仲拍曬手掌添!睇嚟大家對佢呢個意見都十分認同。

唔知係咪冷氣唔夠,講講下仲除埋外套。估唔到聽講座都可以睇到「謝霆鋒除衫」!

原來,前特首董建華都是「鋒助人生」的協助人之一,今日亦有親身來到現場。當謝霆鋒介紹董伯伯時,更形容對方「盡心盡力」,幫手找資助。而董伯伯聽完也説,「我聽完(演講)之後都好感動!」更盛讚霆鋒:「霆鋒係年靑人學習嘅好榜樣,想成功就學佢。」嘩!連董伯伯都開金口讚佢,今次一定掂啦!