【港姐2017】落選港姐自成一國　呢三位其實絕對可以做冠亞季

今屆港姐選舉結果雖然有所爭議，不過至少表面上無影響一班靚女的友情，3位落選港姐伍樂怡（Kelly）、黃凱琪（Suki）和胡美貽（Nicole）就相當之老友，即使比賽已經完結，繼續她們深厚的友情，相約一起去船P。只見她們3人盡將自己的美好身材表露無遺，能夠一起在場的人士一定大飽眼福，相當開心喇。

３位當中，以白色比堅尼的Nicole最為自信，永遠企喺前面揸機，完全唔怕俾人睇蝕。至於Kelly就好似有啲怕羞，成日都要搵人遮住自己，高妹Suki都係，經常有件白色小背心著住，係間唔中先以比堅尼上陣。至於點解她們3個會咁fd自己約出嚟，其實一早已經有迹可尋，事關Nicole同Kelly之前都試過一齊開live，相信佢兩個係最熟，而Suki本身加埋冠軍雷莊𠒇亦是她們的圈子，早已經有合照成日自拍。

今次雖然4個最熟嘅無咗雷莊𠒇，不過呢3位都已經夠晒搶眼，可能3個都係落選喇，所以特別投契，特別好傾。其實呢3位靚女，無論計樣、身材、學歷、談吐等等都絕對值得入三甲，不過選美其次，一份真摰嘅友誼可能先係佢哋嘅得着。