【使徒行者2】飛機張景淳下場慘 少數港星可以carry長髮形象

撰文:黃梓恒
出版:更新:
劇中飛機一角演得十分之好。(劇照)

《使徒行者2》今晚的一集,飛機(張景淳飾)將會發現徐天堂(袁偉豪飾)係卧底,喺佢同天堂加樂少對打嘅時候,就唔小心咁頭插釘死埋,認真慘情。不過今次張景淳(Stanley)演技可謂更上一層樓,以後大家唔好再剩係記得佢係家明(《天與地》),不過除了拍劇認真,其實時候他都沒有放低演藝的熱情。最近接拍個人護理產品廣告,雖然拍攝廣告比拍劇集輕鬆,,但Stanley都好認真聽從導演講解故事交足戲,所以客戶都十分滿意出來效果。

好認真咁同導演傾點拍。(資料圖片)

Stanley在最近熱播劇集《使徒行者2》的演出令人關注,他說:「我嘅角色叫做飛機係陳豪嘅手下。之前好多人叫我剪短頭髮,但依家又有好多人叫我唔好剪,Keep住長髮好睇啲。同埋有啲朋友會問我用咩洗頭水,會唔會拍洗頭水廣告? 不過依家接左個頭部按摩器嘅廣告都唔錯呀!另外使徒2 入面有好多動作戲,好多都係我親身上陣。拍攝時候會受傷但覺得呢家睇到劇集播出,觀眾反應咁好,咩都值得。」果然是一名敬業樂業的演員,希望將來會看到更加多他的演出。

佢都算係carry到長髮。(資料圖片)