【使徒行者2】速龍臥底身份好古怪 三大原因睇穿佢根本唔係警察
撰文：黃梓恒
出版：更新：
速龍又再出現。（電視畫面）
《使徒行者2》真亦假時假亦真，有好多時編劇都故弄玄虛，你以為嗰個人死咗，點知原來無死，你以為唔會死嘅人，轉嗰頭就死晒。想講嘅係劇入面的速龍（楊潮凱飾），劇集一開始作為卓Sir(苗僑偉飾)的臥底，同其餘的伙記在泰國潛伏捉大鱷，點知在成功在望之際就五個人一齊被炸死，出場一陣就完場。但最近幾集速龍又出返嚟，變成警方嘅線人，當卓Sir發現佢嘅時候，再解釋一輪然後加入民間刑事情報科。
以下內容有少量劇透，逃生門在此。
估唔到竟然有人炸唔死。（劇照）
大家都覺得十分奇怪，點解當初喺泰國嘅四個臥底竟然全部死晒，但速龍就免受其害呢？而劇中提及他的媽媽，一直都強調自己個仔係古惑仔，即使卓Sir講到幾咁明顯話速龍係臥底，佢都係唔相信。至今日(20日)呢集，樂少(周柏豪飾)因為其處境而被卓Sir安排在安全屋，幾個民間刑事情報科嘅人負責保護佢安全，照道理地點咁神秘應該好安全，點知魏德信(陳豪飾)嘅手下竟然搵到佢藏身地點。顯示而見，係民間刑事情報科有人通風報信，速龍係最大機會嘅人，一來因為他是新加入，之前一直都平安無事的，二來正如上文提及，他的身份一直十分可疑，如果他是潛伏在卓Sir身邊的臥底，即是他的身份是臥底再臥底，呢種玩法對TVB嚟講真係好新穎。
佢嘅身份真係好古惑。（電視畫面）
+5