【星和電視大獎】李佳芯新加坡奪視后 正式宣佈有線幫稱霸無綫
撰文：溫菁莉
出版：更新：
昨晚在新加坡舉行的《星和無綫電視大獎2017》雖然賽過塵埃落定，令不少觀眾都嘩聲四起，一定是憑住《踩過界》爆冷奪得「我最愛TVB女主角」獎項的李佳芯(Ali)。昨晚她獲獎後受訪時都表示「未接受到呢個事實」，其實好多人都同佢一樣未接受到。其實自從余詠珊過檔TVB後，幾乎過往從有線出身的例如黃翠如，洪永城，李佳芯及陳貝兒等人都外界稱呼為「有線幫」。當中只有黃翠如及李佳芯主攻戲劇，今次Ali反超前率先拎視后，係咪意味著之後的《萬千星輝頒獎典禮》都係「有線幫」揸旗。
李佳芯成為「有線幫」第一人榮登視后。
+7
加入TVB第一年，翠如已經係《師父明白了》中擔任第一女主角。
黃翠如同李佳芯雖然出自「有線幫」，現時亦備受TVB力捧，但她們當初入TVB似乎二人的路向甚為不同。她們同樣都是2012年加入TVB，但黃翠如備受無綫力捧，在首部劇集《心路GPS》就已擔任第二女主角。同年拍攝《師父明白了》，仲擔正做女一，被網友笑指上位太快繼而演技備受劣評，但仍獲重量級演員周潤發大讚，可惜從此之後就被網友笑指一出場就令劇集「膠化」。而最近熱播的台慶劇《使徒行者2》中，身為女一的黃翠如繼續被網友批評演技差，卻被當中飾演卓sir的苗僑偉力撐，大讚演得好出色，演技更足以問鼎今屆視后，令不少網友o嘴！
呢一幕完全有聲！
去年楊明及李佳芯在《星和無綫電視大獎2016》分別贏得「TVB飛躍進步藝人」獎。
相反Ali加入TVB的首套劇集《名門暗戰》中就做人情婦， 之後都係離唔開飾演奸妃、情婦咁。當中在《巨輪II》一幕中，被「鷲哥」吳岱融一巴打落去再加一句「臭雞！」，真係睇字都有聲音，幸好Ali無被觀眾討厭，仲被網民封為「女神」。去年的《星和無綫電視大獎2016》中，當時Ali只獲得《TVB飛躍進步藝人》，短短一年就已經skip埋女配角，直接奪女主角獎，真係無嘢係無可能，所以如果今年翠如BB係《萬千星輝頒獎典禮》拎視后，大家也不必驚訝。