【反黑】大結局預告第二季主角 神爺仔Michael究竟係邊個?
撰文：溫菁莉
出版：更新：
以97年回歸前的江湖作故事背景的網劇《反黑》，內地點擊率直逼8億，算是今年都蠻成功的一套網劇，不少觀眾煲到唔願停每晚淩晨12點準時上網睇最新一集。今晚大結局的一集中主要講述1995年7月1日，大史Sir收拾東西離開香港，從此政治部解散。而黃志安就正式升為見習督察，另一邊廂將軍就約了鳳凰告別，他表示暫時未有打算，想先休息一下。 由於1995年警方打大力打擊黑社會，令和興盛暫時陷入癱瘓。
將軍會去邊呢，咁就要睇第二季喇！
+10
相信招積係第二季都係一個重要角色！
究竟Michael係邊嗰呢？
結局最精彩的一幕必定是最後劇集留下的伏線，首先其中一幕就講述陳惠敏飾演的神爺，接了一通電話，鏡頭一轉就出現了一名陌生男人的背影，神爺就講一句，「Michael係時候返黎喇！」原來Michael係神爺的仔仔。另外，有一名英國人到監獄揾招積，並向他表示，「我想同你傾生意！」當招積問到係咩生意時，英國人就回答，「龍頭棍！」招積聞言後就發出一陣奸笑，劇集就咁完喇。看來第二部肯定就是神爺的兒子回來搶回和興盛的地盤！
寫到明係第一季，咁即係有第二季喇！
而《反黑》大結局今晚亦會提早4小時在網站播出，到時一班劇組演員更好齊集九展與觀眾一齊收看大結局！但若果你是由現在開始才追看《反黑》，咁就要係大結局播出後24小時煲曬，因為《反黑》劇組今日在Facebook宣佈將會與各位暫別，但相信係不久將來，一定好快有第二季！