林峯新劇《獨步天下》首次剷光頭 造型超似《那年花開》何潤東

撰文:黃朗鈞
出版:更新:
林峯第一次拍古裝剷光頭,感覺非常新鮮。(網上圖片)

《使徒行者2》今個星期進入結局篇,當大家仲估緊邊個係臥底和黑警時,覺唔覺得今季的臥底袁偉豪、周柏豪和黃翠如的魅力始終唔及第一季的林峯與佘詩曼呢?不過林峯早就離巢,想睇返只有靠重溫,假如舊劇滿足唔到你,不如睇下林峯的新劇喇,近年主力在大陸發展拍劇的佢,月尾就有新劇《獨步天下》,但一睇就發現林峯的新造型愈來愈似何潤東,唔知係唔係因為剷光頭的關係呢?

林峯新劇《獨步天下》月尾開播,他飾演愛新覺羅皇太極。(網上圖片)

《獨步天下》改編自同名小說,與《步步驚心》、《夢迴大清》並稱為「清穿」小說的三座大山,風靡一時,內容講述女主角步悠然(唐藝昕飾演)穿越到清潮,進入了努爾哈赤時代,靈魂依附在女真第一美女東哥的身上,皇太極(林峯飾)為了娶她成妻,不惜引起家族爭鬥也要將她拿到手。這劇在現時玄幻片當道的環境中,偶然回味一下穿越題材,可能會有另一番風味。不過最近劇照一出,有眼利的網民就發現林峯的造型與《那年花開月正圓》的何潤東非常相似,唔知係咪因為削光頭的影響,二人似到孖生兄弟咁,連表情眼神氣場都一樣。

林峯與何潤東的面型相似,鼻樑眼眉的位置相約,當二人一同剷光頭時確實有幾分相似。
+13

其實林峯過往拍古裝劇都冇削光頭,好似《六扇門》、《陸小鳳與花滿樓》和《衛子夫》等的古裝片,林峯都係留長髮演戲,惟獨係今次《獨步天下》林峯第一次以光頭造型示人,佢希望在三十而立之齡,可以在演藝生涯有所突破。

林峯過往古裝造型也是長髮紮髻,從未試用光頭上演。(網上圖片)