陳欣健開騷許冠文做嘉賓 花40年構思：之前香港博物館搵過我
撰文：史順宜
出版：更新：
陳欣健於記者會上勁歌熱舞，心情勁HIGH。（黃國立攝）
有份於大熱網劇《反黑》演出的陳欣健（Philip），將於12月26日Boxing Day於旺角麥花臣場館舉行《陳欣健EVEN NOW此情此刻．濃情金曲聖誕夜》，今午舉行記者會時，除兩位女兒及女婿外，許志安、梁漢文和吳耀漢等人亦有拍片祝賀。訪問時，Philip透露早在4、50年加入華星時，已有開騷打算，但由於第一日返工已為梅艷芳演唱會監場，聽到怕怕，直到近年好友Simon叫他開騷。「一開始係開心，之後驚，再到鎮定，竟然會搵一個大過譚校長嘅人開騷，之前香港博物館仲搵我，話我係香港故事嘅一員，可以作為香港故事嘅歷史。」至於演唱會嘉賓，Philip透露有許冠文、梁漢文、車婉婉、李思捷、胡琳以及兩位神秘嘉賓。
吳岱融與陳欣健相識多年，老友開騷，點都要撐。（黃國立攝）
而身為《反黑》要員之一的吳岱融，呢日都有同導演宋本中撐場，他說：「Philip一定得，咁多年都屹立不倒，我一直都知佢唱歌好好，自己當然要支持啦。」另外，韓彬一角得到不少網民大讚，吳岱融就，導演功勞不少。「韓彬放監之後，大家都估佢會翻天覆地，結果喺同個孫相應一幕，佢放下屠刀，立地成佛，真係估佢唔到，呢套劇有好多教育性地方，亦都好多謝戲網民支持。」
吳岱融話如果夾到時間的話，出演《反黑》第二季絕對不是問題。（黃國立攝）
老竇開騷，兩位寶貝女以及女婿又點少得。（黃國立攝）
+2