黃子華與佘詩曼擔正《棟篤特工》片花流出 大曬多個男神造型

撰文:張嘉敏
出版:更新:
兩人擔正的新片片花有得睇喇。

由黃子華編劇並與佘詩曼一同擔正演出的電影《棟篤特工》片段於網上曝光喇,昨日電影瘋於facebook上載了一條2分半鐘的片花預告讓大家可以搶先收看。這部被形容為港產偵探式動作喜劇的電影,是講述飾演特務的黃子華與飾演政府高官的佘詩曼要互相合作去查案,不過在過程中兩人互不信任又互相猜度,結果就引發出幕幕搞笑而又離奇的事件。子華在戲中有很多型仔造型,睇得子華男神,當然是想睇下他的笑料有幾出色有幾驚喜啦,不過睇完條片花,發現似乎並未找出有甚麼笑位,可能想留返精彩鏡頭大家入場先睇,唔係仲使畀錢買飛咩。

 

呢幕勁似《國產凌凌漆》。

條片花成個感覺都好似周星馳套《國產凌凌漆》,尤其是當中有一幕講子華跌到一地特務工具,再往褲袋裡拿出最後一個,就令人聯想到星爺在戲中一樣有好多獨門工具,原來子華新戲都玩呢招。至於女主角阿佘卻竟然只得3秒的單頭鏡頭,仲要是側臉再加迷霧朦朧的效果,真係一個不留神又或者眨下眼都有可能miss了。另外一幕則是阿佘與子華以及C君的close up大頭鏡頭,阿佘擠了在最邊皮位置,C君反而坐正中間,唔知阿佘看到這條片花可會嬲嬲豬呢?

 

阿佘出得個側面咋。