Big Big Channel緊要過讀劇本 樂小姐叫藝員埋位前狂做直播
撰文：郭敏玲
出版：更新：
性感肚皮舞已成絕唱！
今年TVB台慶會令觀眾大失所望了！事關近日無綫高層樂易玲小姐突發通告，下令女藝人不許性感，中門大開、事業線勁過事業心的光景不再。而樂小姐在Whatsapp發出563字員工守則曝光，除了不許女藝員性感，劇集的情慾、強姦場面只以「意會」形式交代…文明忽然倒退數十年，讓人滿頭黑人問號。
樂小姐的員工守則被廣傳。
其實樂觀啲諗，當生仔都要開直播，拍劇小休直播相對來說，都好似好小事啫？係咪？
不過魔鬼在細節，五百多字的員工守則裡，又豈止不許性感？樂小姐不忘再次宣傳Big Big Channel。首先講到大台網超多人用，滲透率高，已直達中國內地，今個月26號更要進軍馬來西亞。於是樂小姐就要TVB藝員上下要「善用」時間開Big Big Channel開直播，不論拍劇等埋位還是在服裝間休息都好，都要擠時間做Live…為了宣傳大台網，可以去到幾盡？就是要用埋休息時間，放棄背劇本、小睡片刻的時間都要開live！其實作為一個藝員，拍戲最緊要就係劇本，如果睇得唔熟做得唔好，受影響都會係自己！因為觀眾睇劇情之餘，仲會睇埋你！做得唔好會畀人批評，盞做得唔開心！加上有不少藝員開06放27，還要在小休時間開直播，咁樣好咩？唉，無計喇，一蚊Joe連生仔都直播埋，咁拍劇放break做下live相對嚟講，都好濕碎啫，why not？如果係咁，不如直播瞓覺可能仲好！
譚偉權要瘋狂開live先得。