《法證先鋒4》開拍搵馬國明做男一 萬綺雯有機回巢？
撰文：溫菁莉
出版：更新：
如果要講TVB講查案嘅劇集，除了《刑事偵緝檔案》之外，11年前由歐陽震華、林文龍、蒙嘉慧仲有鍾嘉欣主演的《法證先鋒》，劇情更把法證、刑偵與法醫結合得十分流暢，所以當年嘅收視都唔錯，其後仲推出第二季。而2011年嘅台慶劇，TVB再推出《法證先鋒3》，雖然主角換上黎耀祥同張可頤，外界反應都好好，有不少觀眾都仲話好希望可以有第四季。上月低網上的維基百科就透露了《法證先鋒4》由馬國明、黎諾懿、萬綺雯、陳嘉寶、賴慰玲及陳瀅等演員參演，雖然有人話維基嘅嘢不能盡信，但日前《法證先鋒》系列監製梅小青昨晚似乎在微博透露了一些玄機，上載了自己去參觀法證的儀器，令不少粉絲都留言問係咪籌備中。
梅小青昨晚在微博上載了自己去參觀法證的儀器，《法證先鋒4》應該真係有機會開拍！
+4
《法證先鋒》被不少觀眾認為是現代版《洗冤錄》。
有傳聞話馬國明會拍《法證先鋒4》，唔知係咪真呢？
在照片所見，相信是幕後人員在TVB office 內研究全新的法證的儀器，所有人員都好專注講解，連佢自己都留言話，「日新月異，法證的儀器又進步不少，人生就是要不斷學習，長知識了。」呢條微博一出街，有好多粉絲都問小青姐究竟係咪會開拍第四季，雖然佢未有解答粉絲嘅問題，但就點讚該評論，令到TVB將開拍《法證先鋒4》呢個傳聞更真實！而他們都希望小青姐可以搵返歐陽震華同林文龍參演，其實又真係有可能，因為近年歐陽震華都有為TVB拍劇，至於另一男主角林文龍今年亦重回TVB拍攝劇集，5月份播出的《不懂撒嬌的女人》收視勁好，所以搵返佢地返黎拍都唔難。至於女主角方面，有好多粉絲都希望可以搵《法證先鋒2》中嘅佘詩曼出演！ 究竟《法證先鋒4》係咪真係開拍同埋演員陣容究竟係點，就真係要等TVB公佈喇！
+2