【後生仔傾吓偈】坤哥認FB專登打錯字:「有時候係選擇」

撰文:林迅景
出版:更新:
唔通打錯字已經成為坤哥的習慣?

坤哥(吳業坤)最出名係咩?除咗出名「偽毒」之外,就梗係出名在經常性「打錯字」啦。「食好西」「邊度有女平」「邊度有wife」相信呢幾句潮語大家都聽唔少,而網民仲非常貼心地幫坤哥出咗個「坤哥潮語錄」添。雖然網民習慣都係「食住花生恥笑」而鮮少人會去深究點解坤哥佢會成日打錯字,仲要唔止一次。不過最近呢集(11月16日)《後生仔傾吓偈》,坤哥喺節目入面親身解話。「我頭先就認咗,有時候係選擇。」

知你有成5000個facebook朋友啦。

「因為全部都係我personal facebook account,諗住全部都係自己朋友睇到。雖然朋友個list有5000人。(6號:你都好多friend喎)我交友神手嚟。頭幾次我真係打錯咗,因為我成日都係用速成。例如我唔識打個「西」字,就會打個「東」字。有時自己facebook嗰度打錯字,覺得幾得意喎,錯咗咪唔改囉。」

麥明詩一暗嘲坤哥,佢塊面就即刻黑咗。唔通真係講中咗?

雖然坤哥就幫自己打錯字解釋咗一輪,不過身為主持之一嘅六號明又點會咁輕易放過坤哥呢。「坤哥佢打中文都錯得離譜,咩想『約』人,變咗『釣』人食飯。」然後坤哥又不厭其煩咁解釋多一次,又係速成輸入法的錯。最抵死嘅係,連麥明詩都加入戰團問埋一份。「有啲人話你第一次係錯,第二次就係選擇。」之但係坤哥又居然承認自己係專登喎。「我頭先咪認咗囉,我有時候係選擇。邊樣分呢,因為我係喺自己facebook玩吖嘛。」麥明詩呢個時候就即刻插嘴話:「我都知你好多嘢玩嘅。」

 

坤哥手機上出現的照片,其實是馮盈盈半年前ig 動態旳cap圖。

節目尾段,突然講大家fb搜尋紀錄,坤哥被要求公開,他即在手機做手腳,最後顯示馮盈盈三點式水著相,對於坤哥這一著,馮盈盈非常高興,她說:「首先好多謝佢咁識貨,呢張相嗰景好靚,我唔係講自己,佢騷我呢張相,其實符合返我喺節目嘅角色,人肉煙霧機,我唔喺度,梗係攞我出嚟啦,我哋同一個經理人,其實都好熟。」