朱晨麗新劇受無綫「禁色令」影響 節目巡禮噴血Look被刪走
撰文：張嘉敏
出版：更新：
朱晨麗出年推出劇集有成4套咁多，贏晒另外3位港姐冠軍啦。
無綫50周年台慶重頭節目《TVB金禧晚宴暨2018節目巡禮》預告了TVB出年有咩新劇集同節目，相信當中最多產的一位藝人，一定是朱晨麗（朱朱）喇，她有份演出的劇集總共有4套，包括《平安谷之詭谷傳說》、《兄弟》、《特技人》以及《棟仁的時光》，其中有兩套仲擔正做女主角，而在《棟仁的時光》中更會大跳鋼管舞。不過最令人期待的應該是《特技人》這套劇了，因為之前在巡禮節目錄映時播出的片花中見到朱朱在沙灘上身穿小三角褲配上Bra Top，仲要烏低身，盡顯她的誘人身材，極性感！真係分分鐘睇到人流鼻血呀。
朱晨麗出席節目巡禮都唔及佢喺新劇咁性感。
不過到昨晚巡禮節目正式出街時，朱朱就成為了無綫早前由樂易玲親自下達之「禁色令」的犧牲品喇，朱朱個性感鏡頭被cut走了，只剩下背影一個，完全無正面。雖然這些劇集都是在禁令頒布前經已拍好，理應並不受新的指引所影響，不用跟足新例「藝員同事不論拍攝戲劇或非戲劇，公司都不鼓勵有太過誇張女性身材及賣弄性感的鏡頭。公司也不鼓勵製作鏡頭拍攝時太過誇張女性身材及賣弄性感。」故這些之前拍落的劇一樣可以好似以前咁「賣弄女性身材」，朱朱亦都不用在Bra Top外加返件T-shirt，又或者打馬賽克，斷估TVB都不會於正式播出時用小畫家加條布畀朱朱？但怎也估不到TVB狠心到直接將個鏡頭cut走，不知道當劇集遲些播出街時，會唔會有返呢幕呢？
之前喺節目巡禮錄影時播出嘅片花有呢一幕㗎。
到咗尋晚播出時就只係得返個背脊。
朱朱跳鋼管舞都同樣令人期待㗎。