【降魔的】黃子恆飾物店倒閉慘蝕60萬 : 冇諗過做一年就冇得做
撰文：林通賢
出版：更新：
《降魔的》進入最後一個星期，除了馬國明、黃智雯外，大奸角黃子恆亦上位，但最近有報導指他和胞兄經營的飾物店結業要蝕60萬，他今日出席《降魔的》宣傳活動時亦承認此事，他說：「其實最蝕係裝修費，冇諗過嗰個鋪位做一年就冇得做，因為本身個樓宇有問題，就收咗封信俾業主，唔係我哋，要業主一個月內處理，我哋變咗一個月內要走，而我又有新刻開，阿哥又有其他嘢做，咁暫時放緩下腳步先。」
《降魔的》剩返6集，眾演員出席最後一次宣傳，馬明做完活動後，即搭飛機回上海為新劇開工。(林通賢攝)
黃子恆在《降魔的》飾演大奸角而入屋，他將會拍攝新劇《包青天》。(林通賢攝)
劇中黃子恆攻於心計，但現實中他就覺得自己做生意經驗不夠，他說：「真係蝕咗60萬，佢冇得賠架，裝修幾多唔關業主事，因為合約一年生、一年死，經驗就係一年生一年死嘅合約就唔簽，一年作為一個鋪頭好冇保障，不過呢個經驗貴咗少少，但好彩有阿哥share。」