【獨步天下】林峯繼AngelaBaby 被Key圖捱批 視迷:看不下去

撰文:蘇國豪
出版:更新:

年初由Angelababy(楊穎)與鍾漢良主演的古裝劇《孤芳不自賞》被狂批,利用過多綠幕key頭,劇集充斥着PS痕迹,令不少電視友睇到冇晒癮,最後紛紛棄劇。然而以為內地製作方已經有所警惕,沒想到再接再厲又遭到狂批,不過今次就唔係Angelababy喇,而是林峯啊!

《獨步天下》被批key圖PS太嚴重,令人睇唔落去。(網上圖片)
Angelababy年初主演《孤芳不自賞》正正因為key頭,PS被狂批(網上圖片)

最近熱播中由林峯主演的劇集《獨步天下》,在未開播之前不知令幾多電視友想睇,誰不知劇集一出key頭﹑PS痕迹一大堆,低成本的效果令人睇得辛苦,甚至劇集播到一半都沒有就已經令人想放棄,可想而知有幾嚴重。講到現在拍戲連外景都懶得出,真係服咗劇組。唔少電視友其實都替林峯感到可憐,自己已經做好一位演員的角色,在這部劇中飾演的皇太極發揮得淋漓盡致,但配上一大堆PS效果真係好難睇,觀眾集中不到有跳戲的感覺,已經睇唔落去,「演技還是不錯的」﹑「林峯親自拍馬戲,只是後期弄成這樣的」…紛紛怪責製片方搞壞這一部劇。

唐藝昕近鏡好唔自然。(網上圖片)
林峯又係被key頭。(網上圖片)
+11

《獨步天下》是由林峯﹑唐藝昕﹑張睿等人主演,故事背景主要講述女真部落努爾哈赤兒子們的鬥爭,與集中在女真第一美女東哥(唐藝昕飾)身上。講到明女真即後來統治全中國的清朝,大家都知道清朝滿族是靠馬背而取得天下的,即代表騎馬﹑草地﹑河川…等景色都會出現在劇集中,而這一點地方亦相信現今的中國多得是,要拍其實都不難。不過,在過去《獨步天下》的背景中,正正就是這一點地方用上key頭﹑PS效果。唐藝昕在河流被人挾持時,成個頭就嚟逼爆Mon,背後河流好突兀;林峯在牽馬與在帳篷的畫面時,同樣超近鏡,背後的景色超假完全令人容易睇得分心,其實唔止這一些仲有在城牆上﹑遠景用替身…多不勝數睇到眼花撩亂啊!有網友仲搞笑話這一部劇可以叫「key圖天下」是繼承《孤芳不自賞》又一部爛劇。

真係太假喇!(網上圖片)