黃曉明為虐童案發聲 章子怡暗指有「河蟹」獲群星力撐

撰文:鄺鈺瑩
出版:更新:
章子怡話微博有機會「河蟹」關於紅黃藍幼稚園虐童案的文章,隨時得到唔少藝人及網民轉發。(微博圖片)

國內虐童案近期頻頻發生,繼早前上海攜程親子園虐童案之後,北京一間幼稚園嘅小朋友,亦懷疑被老師用針扎及餵食不明嘅白色藥片,導致腳同屁股都有針孔,家長報案後,警方已進行調查,涉案老師同保育員亦已暫時停職,而北京朝陽區教委工作人員就話已經有唔同嘅部門通宵調查,但暫時仲未有結果。「這個事件還沒有結果,請大家能夠相信公安部門,給我們最後澄清一個事實。」不過,其實教委人員講來講去都係話「未有任何結果」、「涉事老師已停職並配合調查。」所以大家都得個等。

黃曉明上載的韓國電影《無聲吶喊》,改編自真人真事,講述聾人學校內所發生的虐待及性侵事件,電影在韓國上映後,令案件近年得以重審。(微博圖片)

事件引起唔少星爸星媽關注,黃曉明更在微博貼出韓國電影《無聲吶喊》,並表示:「希望不一樣的結局。」令《無》片一下子也成了微博的熱搜,而曉明的老婆Angelababy並以簡單「了解真相,保護孩子,刻不容緩!」12個字去表示自己的感受。至於伊能静,先係話有需要幫忙的家長,佢都願意幫手搵律師協助。搵到律師之後,伊能静發文話自己曾救過被父虐的孩子,但現階段最希望事件早些水落石山。而同樣都係媽媽嘅章子怡,就發文表示:「聽說有三種顏色上不了熱搜。」間示微博「河蟹」禁聲,唔少藝人都即時轉發其留言,而網民就大讚章子怡敢說話,並指新浪一直刪留言,行為卑劣。