【三生三世十里桃花】續集大換血 高偉光與迪麗熱巴無緣做CP
撰文：鄺鈺瑩
出版：更新：
續集如果無咗高偉光同迪麗熱巴，劇迷仲會唔會想睇呢？（網上圖片）
《三生三世十里桃花》中白淺和夜華經歷的跨世愛情故事，感動唔少觀眾，電視版創下佳績，而楊冪所屬的「嘉行傳媒」亦因製作《三生》而令公司市值超過人民幣50億，成為業界傳奇。而預計明年開拍的續集《三生三世枕上書》最近終於有啲聲氣。
徐海喬於《醉玲瓏》中飾演元湛一角。（網上圖片）
+3
《枕上書》係《三生三世》續集小說，主要講東華帝君和青丘白鳳九之間的愛情故事，上集電視版本中，由高偉光同迪麗熱巴組成的「東華CP」雖然受歡迎以及討論程度不下於白夜CP，再加上自從確定要拍續集之外，唔少網友都話「只想看迪麗熱巴、高偉光主演的。」可惜日前就有消息指續集將會大換血，東華帝君將由《醉玲瓏》的徐海喬飾演，而鳳九則由《三生三世》中演反派嘅「玄女」祝緒丹飾演。
90後美女祝緒丹畢業於中央戲劇學院，以模特兒身份出道再轉做演員，14年參加完《星姐選舉》後，更成為楊冪工作室旗下藝人。（網上圖片）
+2
34歲嘅徐海喬雖然做過《花千骨》、《醉玲瓏》等大熱劇集，可惜永遠都係劇紅人不紅。而祝緒丹自《三生三世》之後，連接擔正青春劇《囧女翻身之嗨如花》以及網絡劇《畫心師》女主角，但人氣始終有限，更何況要擔正做眾人都期待兼睇好嘅《三生三世》續集，如果真係以呢個組合去開拍的話，相信唔少劇迷都會反對。
《枕上書》版權被曾在《步步驚心》飾演明玉格格嘅星劉雨欣買下，其實到最後會唔會自己做埋女主角呢？（網上圖片）
之前有傳吳亦凡、汪東城等人將會演出續集，但睇怕係流料居多。（網上圖片）