【禁色令後】《3日2夜》純過清水 歐陽巧瑩做Spa都要cut

撰文:郭敏玲
出版:更新:
陳蕊蕊今次做帛琉嘅美人魚大使,做生招牌喎,會唔會可以避過被cut一關呢?

早前TVB頒布的「禁色令」甚為轟動,因為女藝人的性感尺度大幅提高。有傳是旅遊節目《三日兩夜》多位女藝人著三點式玩水上活動、浸溫泉似乎太撩人太性感,所以都要勒令她們要密實一點,穿水著都要加T-Shirt。可惜頒布「禁色令」時,新一輯《三日兩夜》已大致完成,已沒有其他補救方法,難道好似內地劇《武媚娘》般,硬加CG加塊布遮住?玩謝幕後人員都似!

今次歐陽巧瑩都相對密實咗…

新一輯《3日2夜》實在太考剪接人員功夫,到底如何左剪右避,現在未有定案。今次製作單位就到西太平洋的島國帛琉,不外乎都是陽光與海灘。而女主角就是歐陽巧瑩,以及嘉賓陳蕊蕊。已聽到有個不幸消息,就是歐陽巧瑩show玉背做spa的畫面完全被cut,而她在節目中其中一套是一件頭,所以要cut都會cut剩呢件。至於陳蕊蕊今次就行健康性感路線,以唯美風格,一身美人魚打扮。加上陳蕊蕊做帛琉美人魚大使,宣揚海洋保育意識,未知會否因為「健康教育」,避過高度嚴密的審查制度呢?至於下星期就要去澳洲拍攝《3日2夜》的張曦雯,又會唔會被逼著潛水衣游水呢?咁要mark實佢動向了。

+5