鹿晗與女友關曉彤同場零交流 黃曉明掛住同Baby調情
撰文：鄺鈺瑩
出版：更新：
鹿晗同女友關曉彤一前一後咁坐，全程零交流。（微博圖片）
第三屆中國電影新力量論壇一連兩日喺杭州舉行，有近百名演員、導演、編劇、監製出席，當中包括鹿晗同關曉彤，雖然係認愛後首次一齊席公開活動，但為怕成為焦點，所以二人全程都無咩點交流，但就好有默契咁一個坐前一個坐後，鹿晗同TFBOYS王俊凱並肩而坐，而且有講有笑，反觀坐喺周冬雨旁邊嘅關曉彤就密密抄筆記，看似十分用心。
一到「小息」，黃曉明即時去搵老婆。（微博圖片）
論壇首日嘅主題係「將社會主義核心價值觀更好地融入電影創作」，到底點融入呢？一班藝人聽到頭都側晒，最醒神一刻絕對係「小息時間」。黃曉明即時走去搵老婆Angelababy再輕撫佢個下巴仔，單係睇相都覺得甜。
休息過後，到藝人發表時間，打頭陣嘅黃曉明認為電影最重要重質量，而低成本嘅科幻愛情題材亦已經唔合時。到鹿晗上台發言時，他以「不忘初心，年輕就是敢」為主題，他表示不時被問到拍戲辛唔辛苦或者受傷。「其實演員是經歷是成長，既然選擇了這份工作，就應該去經歷。」短短4分鐘的發言，鹿晗就時要偷望「貓紙」，似乎略為緊張。至於關曉彤在台上與Angelababy進行討論時，就話自己其實都係普通人一個，經常會行街，鍾意走入人群當中，而唔係將自己隔離。有無覺得同鹿晗所指嘅「年輕就是敢」好相似？
並排而全的周冬雨同關曉彤齊齊發呆。（微博圖片）
TFBOYS王俊凱都係聽到一個懵樣。（微博圖片）