好友麥明詩自揭曾遭性侵犯 朱千雪：我知佢係叻女嚟
撰文：溫菁莉
出版：更新：
朱千雪好靚呀～～（陳順禎攝）
相信有好多網友今年無論開電視、還是上網睇片，每到廣告時間都會見到朱千雪的蹤影，今午出席TVB廣告頒獎禮時，獲得《廣告新人王》獎項，都係實至名歸！提到她代言嘅產品幾乎都是女性用品，朱千雪笑言，「咁啱啫，其實我都想代言比較中性嘅產品，好似旅行社同航空公司咁。」
朱千雪之前曾透露希望聖誕節可以返加拿大探親，希望可以同男友一齊返去。（陳順禎攝）
但原來有個產品係千雪最恨代言，究竟係咩呢？她就透露，「一定係隱形眼鏡，我近視好深，係佢地長期用戶，當然仲有女仔鍾意嘅首飾，希望快啲搵我合作啦！」相信好快有廣告商搵上門喇，咁到時朱千雪真係會變「CM女王」！至於最近的工作機會，千雪笑言要埋頭苦幹溫書，「
下星期就要準備學校考試，都係努力溫書同溫書，每日只係瞓得3個鐘！（好緊張？）唔會緊張，又唔係第一次考試。」粉絲睇到呢到，應該已經集緊氣保佑偶像順利過關。其後問到早前曾透露希望可以與男友在聖誕節一齊返加拿大探親，她表示，「未知道幾時出發，但如果佢有嘢做，就唔好跟埋去。」
講到好友麥明詩日前在Facebook發表千字文表示自己曾遭性侵犯，千雪聞言後則表示，「我知道佢寫咗一段中文，我知佢係叻女嚟知道點處理，我就唔方便評論。」
+6