【TVB頒獎禮】江美儀貼李佳芯贏視后：喺《誇世代》傻更更好可愛
撰文：林迅景
出版：更新：
《萬千星輝頒獎典禮2017》將於1月21日舉行。「最佳男主角」「最佳女主角」「最佳男主角」「最佳女配角」這4個入圍名單就已經率先揭曉，數數下入圍的演員人數就已經有85人之多。相信大家都已經有自己的心水人選。
江美儀話自己有份提名視后，已經當是贏咗。（陳順禎攝）
今年《萬千星輝頒獎典禮2017》「最佳女主角」的部分陣容份量十足。除了有金像獎影后鮑姐（鮑起靜）、宣萱、胡定欣及視后阿田（田蕊妮），當然就不少得《親親我好媽》之中飾演港媽嚴太的江美儀。江美儀：「嘩，有提名已經贏咗啦。」
說到「最佳女主角」的提名，江美儀表示她已經是第二次獲得提名。「第一次係九江十二坊，嗰年我自己做咗女主角都唔知。不過今次係知咩事嘅，嗰年係唔知咩事，哈哈哈。（如果妳得到「最佳女主角」，會點慶祝？）呢個我諗都唔敢諗。如果攞到就梗係開心，第一次擔正就攞視后。」
對於視后寶座誰屬，江美儀就貼李佳芯，大讚她在《誇世代》的四妹角色傻更更好可愛。（陳順禎攝）
關於慶祝的計劃，江美儀就説：「如果得獎嘅話，應該會食餐好或者同爹哋媽咪去旅行。（歐洲？）唔會，佢哋唔鍾意坐咁長途機。不過日本就隨時行得，哈哈。」
「最佳女主角」提名名單中，江美儀認為《誇世代》的李佳芯最大機會得獎。「佢一直都係俾人覺得佢係二奶、情婦，就算之前《踩過界》入面做成功人士都係一樣。不過佢今次《誇世代》入面做傻更更嘅四妹，我覺得佢好可愛，所以我都會貼李佳芯攞最佳女主角。」