【亞視復活】吳雨獲國內投資 話亞視不是重生:60年比無綫仲長

撰文:溫菁莉
出版:更新:

原來亞視真係永恆㗎!上星期嘅焦點竟然發生了一件令人「震驚」嘅事就係亞視復活!估唔到去年4月熄機嘅亞視相隔一年半多捲土再來,宣布明年1月底以OTT網絡電視方式復活。一班新亞視高層包括吳雨、曾醒明及何麗全,以及新亞視藝人陳志雲、朱慧敏同曾華倩等今早出席記者會,正式宣布亞視翻生!提到有網友指「ATV又翻生!」擔任亞視行政總裁的吳雨接受《香港01》訪問時笑言亞視不是重生,「我覺得呢個係香港人值得懷念嘅免費電視台,佢嘅60年歷史比起TVB 50年仲要長,如果無左好可惜。今次有國內投資者肯出心出力幫亞視收購返王征嘅股份返黎,先至有今次咁盛大嘅場面。」

亞視一班新高層包括吳雨(左)及區偉林(右)都有現身記者會。
吳雨接受訪問時表示,今時今日與藝人合作嘅方式,已不再需要簽死一份合約。

問到藝人陣容方面,吳雨表示,「會分部頭約同全職藝員約,全職藝員嗰邊大部分都係新人,諗住搵多d時間培育佢地,而部頭約大多數都係已經有知名度嘅藝人。我覺得我地大部分同事都有默契,今時今日唔需要簽死,因為呢嗰模式已經行唔通。」言下之意,似乎暗指TVB藝員要簽死一定的合同。提到有不少網友都表示希望可重溫過往的卡通片及劇集,吳雨就表示apps內會有經典台,「入面有好多值得觀眾反睇嘅卡通,好似小露寶。至於綜藝節目方面,會有以前曾志偉錄過嘅gag騷,大家都可以回顧返。」

亞視新LOGO以鑽石面為主,代表永恆同堅固,希望真係咁!!

亞視除了高層及藝人用一班新人之外,LOGO亦以全新面貌示人,以鑽石面為主,問到今次點解會用呢嗰設計,原來背後有好大意義,吳雨就話,「LOGO真係同鑽石嘅意義一樣,代表永恆同堅固,我地好實淨喇,七彩繽紛咁帶好嘅節目俾觀眾!」