亞視年曆賣廣告最貴只要3萬 平過TVB 50倍係咪抵玩？
撰文：溫菁莉
出版：更新：
昨日香港娛樂圈大事一定非「亞視復活」莫屬喇，相信有好多人都同我一樣完全對呢件事unbelievable，有好多網友都話去年4月終於擺脫左亞視，而家又翻生，紛紛到其官方facebook留言話俾「比觀眾抖下啦得唔得」，真係極誇張！但點都好喇人總要向前看，雖然有好多人對於亞視復活都抱質疑態度，昨天有份出席記者會的嘉賓及傳媒都獲得精美紀念品一份，當中有一份月曆，真係令人相當期待，究竟入面會唔會有14年前一班前亞視一姐一哥田蕊妮同陳展鵬嘅經典相呢？
2018年1月當然要用斥千萬購入的劇集《贏天下》做主題。
唔講以為係普通月曆....
答案係無嘅，大家會唔會好失望呢？亞視講到明今次復台係新開始，當然要用新嘢喇。首先1月份就採用了亞視斥千萬購入由范冰冰主演的劇集《贏天下》劇照做主題，仲好細心係1月29日備註，提醒大家當天是亞視開台日！由2月份開始到6月當然是重頭自家製作節目，分別是陳志雲主持的《百萬富翁》，《陶傑笑看風雲》，《今晚見》，《A1娛頭》及財經節目《贏家online》。至於剩下的月份，設計似乎就有點hea只有主題，並無加設任何插圖，同普通月曆差唔多。
年曆都可以賣廣告，呢個宣傳手法不錯！
在TVB，以30秒為例，在黃金時段指定節目中都要170萬！
但值得留意的，一定是年曆的最後一頁，因為無端端有個廣告價目表，果然係好新式嘅宣傳策略，睇返黃金時段(A3)兼最多人睇嘅指定節目(F4)內播出都30秒只需要31640元，相比起TVB同時段同樣30秒，在翡翠台(指J1-J7時段)至少都要花14萬，最貴(J7)更高達170萬，簡直係天價！咁計落亞視都好抵，但亞視指定節目(F4)呢嗰究竟會係咩節目呢？真係相當耐人尋味！