趙麗穎連歌都唱埋 新曲搵吴亦凡合作惹起罵戰
撰文：鄺鈺瑩
出版：更新：
趙麗穎同吴亦凡因在《七十二層奇樓》中有不少甜蜜互動而被組成CP，但隨着馮紹峰的出現，CP不再。
趙麗穎憑《花千骨》、《楚喬傳》將事業推上高峰，早前更被國內媒體選中為10位優秀演員之一（潘粤明、馬伊琍、黄軒、張志堅、張一山、倪妮、馬麗、吴秀波、雷佳音），絕對係後生可畏。但未知係咪想做到「演而優則唱」，所以趙麗穎就透過微博發表同吴亦凡合唱嘅新歌《想你》，並表示：「如果喜歡一件事，就去嘗試吧！我離我的歌手夢又近一小步！哈哈。」新歌的曲詞以及rap部分由吴亦凡一手包辦。
或者係因為見到粉絲討論太激烈，所以吳亦凡留言表示係趙麗穎邀請合作，並祝「聖誕快樂」。（網上圖片）
趙麗穎同吴亦凡今年曾在綜藝節目《七十二層奇樓》合作並組成CP，難得再次合作，粉絲理應好開心，但《想你》發表之後，即時引起連番罵戰，對於係「吳亦凡鍥而不捨的誠意邀請」定「趙麗穎在《72》時就向吴亦凡邀歌了」大家都似乎十分有意見，咁到底係有雞先定有蛋先？從吴亦凡留言表示「謝謝你相信找我做歌，你完成得很棒。」答案已經十分明顯。其實吳亦凡近呢一年主攻美國市場，先後同Rapper Travis Scott、Pharrell Williams等人合作，說實話，又真係無需要鍥而不捨咁搵趙麗穎合作。
雖然兩邊粉絲都對合作有意見，但由於趙麗穎同吴亦凡今年將會參與江蘇衛視嘅跨年晚會，所以好大機會現場演繹《想你》，趙麗穎真．唱功如何，大家到時可以專心聽聽。