【快過打針】林允戀情見光即死 網民提議向鹿晗學習

撰文:鄺鈺瑩
出版:更新:
林允同宋威龍今年7月合作《彼岸花》。(微博圖片)

有「楊洋2.0」之稱的內地男星宋威龍,由模特兒轉攻戲劇,短短兩年已坐擁430萬粉絲。不過,隨著日前宋威龍被影到深夜於女子當街擁吻,相信令唔少粉絲心都碎。

宋威龍被揭發深宵約會時,女友身份是個謎,其後有網友認出係林允,真係不得不佩服網友的眼力。(微博圖片)

約會過程被直擊,有網民更憑背形同身形認出該名女子就係「星女郎」林允,由於二人今年於劇集《彼岸花》合作時就已傳出過緋聞,令戀情真實性大大提升。之不過,唔知係未兩位當事人都正藉上位搏殺期,為怕人氣受到影響,所以今日齊齊透過工作室發表分手聲明!二人的內容大致都係話因戲生情,並在朋友基礎上嘗試交往,但雙方決定以工作為重,現已回歸為朋友關係……而宋威龍嘅聲明更強調「從未去過女方家」,擺明此地無銀三百兩。

唔少網友睇完聲明之後,都不禁表示而家咩年代,竟然仲會出現見光死的戀情,更以鹿晗同關曉彤高調認愛一事為例,提議林允同宋威龍好好學習,不過,另一邊廂,亦有不少「分手快樂」等留言,亦有粉絲指林允由馮紹峰大叔系跳tone至小鮮肉宋威龍,跨度非常大。

「娛樂給我五」前日預告將曝光小鮮肉戀情,令林更新、劉昊然等人躺著也中槍,而劉昊然而全日成為微博熬搜。(微博圖片)
林允微博有唔少同宋威龍合照,而宋威龍基本上只上載自己嘅靚仔相。
林允曾與年齡相距18載的馮紹峰打得火熱,甚至發展到同居、見家長地步。(微博圖片)
+2