【無間道】TVB剪走6集廣東話原音播 監製梁家樹:最緊要觀眾明

撰文:鄺鈺瑩
出版:更新:
《無間道》今年以廣東話原音播出,去年有份睇的內地網民可以睇多次。

斥資逾億人仔、由愛奇藝同寰亞合地的網劇《無間道》即於於本月22日緊接《溏心風暴3》檔期於大台播出,雖然此劇早於去年於myTV SUPER播出,但如今觀眾可免費享受,加上有羅仲謙、羅嘉良、劉松仁、蘇麗珊、廖碧兒、梁靖琪等演員、劉偉強任總顧問,梁家樹做總監製,奚仲文擔任美術指導,將品質全面提升。
 

《無間道》的故事講述內地退役警察王陽赴港訪友,好友的莫名慘死使其意外發現中港一條線販毒網絡,為查明真相,他變成卧底深入黑社會,同毒品調查科督察羅仲謙以及黑幫核心人身羅嘉良交手。

重新接輯後的《無間道》會以香港演員角度出發,但會剪成點呢?連監製梁家樹都話好想知。

不過,劇集去年喺愛奇藝播出時,由於只得普通話配音,大大影響投入度,連內地觀眾都表示「沒粵語堅決棄劇!」,如今在大台播出,除了使用原聲(即廣東話)之外,三季共36集的劇情,亦將會重新剪輯成30集,一炮過在TVB播出,並以香港演員的視覺出發,令全劇更為原汁原味。對於重新剪輯一事,監製梁家樹日前出席記者會時,就透露雖然有諗過親自操刀,但最後都交予TVB同事負責:「剪輯係技術,但過程中最緊要就係觀眾要睇得明,我在過程中沒有自主權,所以……只能能相信。」成品完成之後,又可會先過目呢?梁家樹就選擇了做觀眾。「我寫劇本時都係以廣東話做主導,大家而家可以原汁原味去睇就更好啦。」

羅嘉良今次飾演電影版中曾志偉的胞弟,是社團中人,並安排羅仲謙入警隊做黑警。另一邊廂,他亦會苦追廖碧兒,二人於記者會上透露有車震場面。

身為主角的羅嘉良,特意與內地劇組請假回港出席宣傳活動,足見他對作品的重視程度。他接受訪問時,表示首次做大反派,感覺十分過癮,並賣力推薦《無間度》絕對是誠意之作。「拍攝時,每次收到劇本都會同導演一齊研究一齊改,亦提議過一人寫一個版本,翌日開工時睇下邊個更好。」連劇本都自己寫埋,看來羅嘉良真是對《無間度》十分喜愛。

不過對於劇本於香港播出時,將會重新剪輯為30集,羅嘉良聞言後略為驚訝,並表示:「少咗可能無咁完整,但TVB剪接應該OK卦,自己真係希望呢個劇可以在香港收得。」另外,提到TVB自一月開始收視有新計法,羅嘉良就笑問:「咁即係有運?我希望真係有運啦!因為好鍾意呢個作品。」到底羅嘉良有幾喜歡《無間道》?單從他表示如果開續集的話,願意無條件接拍就知啦。

羅仲謙於劇中同內地女星朱銳有感覺戲,而本身係毒品調查科督察的他後來亦會變為黑警。

羅仲謙於劇中飾演黑警,並周旋於梁靖琪同內地女星朱銳之間。《無間道》於大台播出,令近年主力在內地發展的羅仲謙,終於再現TVB。而對於劇集由36集變為30集,他亦表示有信心。「作為有份參與的演員,當然希望可以原汁原味播出,但每個電視台都有他們的政策,自己亦都相信TVB,所以亦都唔擔心個效果,收視亦都唔會諗咁多,最緊要係大家喜歡。」

蘇麗珊同王陽雖然一個係警察,一個係黑社會卧底,二人亦會有感情發展。