【有片】郭富城再演孫悟空賀歲 情人節要孖老婆捧自己場
撰文：張嘉敏
出版：更新：
郭富城扮演孫悟空零違和感。
仲有一個月多些就到農曆新年，過年的最佳節目就當然是去睇賀歲片啦，郭富城今日就於他的instagram上載了兩張他主演的2018賀歲片《西遊記女兒國》劇照，預告以及宣傳一下自己部新戲喇。城城在ig留言表示：「師父莫怕！老孫在此，何方妖精膽敢放肆？@西遊記女兒國 將於情人節動心點映，國門為情而開！#西遊記女兒國2018大年初一#」同之前的《孫悟空三打白骨精》電影一樣，城城繼續扮演孫悟空，已經演過兩次的他，唔知今次又會否有甚麼驚喜給觀眾呢？
城城有努力喺ig宣傳新戲。
除了城城，演出該電影的還有馮紹峰、趙麗穎、小沈陽、梁詠琪、羅仲謙、林志玲以及苑瓊丹等，而城城上載的兩張相就只有他們四師徙。如果大家想睇其他演員的造型，可以睇睇電影官方於昨日上載到網上的首條預告片，戲中有大量CG特技。其實城城之前都post過幾次有關呢套電影的劇照，好多網民都留言話好期待㗎。唔知到時城城會否於情人節上映當日孖住老婆拍拖捧自己場呢？
佢算係最靚仔嘅孫悟空喇。
+4