【流行經典50年】杜德偉無意集體回憶 今年主力發展內地市場
撰文：鄺鈺瑩
出版：更新：
杜德偉透露早前到內地工作，受天氣影響而改坐車，結果個多小時的車程共用了八小時才完成，破了坐車最長記錄。（深碧玲攝）
杜德偉（Alex）現身TVB為《流行經典50年》錄影，他透露將會跳唱近十首歌，當日不乏自己的經典舞台，入廠前更諗定如何帶動全場觀眾一齊跳。提到另一位舞王郭富城早前於港台頒獎禮上，大跳個人金曲獲觀眾狂讚好，問Alex會否也趁著集體回憶熱潮而有所搞作，他說：「其實自己一路都有啲嘢搞，但就無諗過係為集體回憶而做，如果係為event而跳就更加未必，反而開騷就有可能，去年自己推出了兩隻單曲，又有參加內地的節目，今年都希望繼續係咁。」
杜德偉同葉倩文的《信自己》也是一個經典，但Alex就話唔會隨隨便便重現經典。（梁碧玲攝）
去年他與MJ家族成員B.Howard合作，他表示假如將來有歌曲是合適的話，也不排除跟香港歌手合作，但沒有特定的對象。Alex去年演出內地節目《蒙面唱將猜猜猜》獲不少觀眾好評，他指自己現在與北京的經理人公司合作，所以接下來將有更多機會拍攝內地節目或劇集，當然音樂也是主力發展之一。雖然Alex看似事業心重，但他卻直言面臨尷尬位。「因為想工作上多啲發展，但另一方面又想多啲時間陪個仔，所以要在家庭與工作上取的平衡點，說實在到目前為止都未搵到，都係見步行步，因為計較永遠趕不上變化。」他透過平日在家中會播放音樂給囝囝聽，希望培養他喜樂音樂。