朱晨麗做新版《倚天屠龍記》 演亦正亦邪周芷若:會有好多打戲

撰文:溫菁莉
出版:更新:

日前無綫、邵氏以及由王晶開設的星王朝宣布強勢聯盟,宣佈來年將會開拍多部電影及電視劇 。男女主角的重任當然是交俾TVB的花旦小生,據知朱晨麗(朱朱)將會接拍電影版《倚天屠龍記》,並飾演經典角色周芷若。朱朱接受《香港01》訪問時透露未知幾時開拍,「要等導演監製公佈,多謝公司俾大量機會我地藝員,我係其中之一都好榮幸。」

朱晨麗將會擔任電影版《倚天屠龍記》嘅經典角色周芷若。

【平安谷】黃浩然選擇同陳凱琳私奔? 男仔原來會俾亂棍打死
【平安谷】陳瀅慘遭殉葬 現在仍有地方保留恐怖習俗? 
【平安谷】陳瀅第一集即被殉葬 恐怖鬼故因佢而起

你睇下朱朱嗰樣幾兇狠!

雖然朱晨麗未知在電影版《倚天屠龍記》中同邊個做對手戲,但佢就指今次會有好多打戲,而去年她拍攝的劇集例如《特技人》及《兄弟》等,都有大量動作戲,所以都無咁驚,「其實上年我有好多劇集都要打,都練到少少功夫,好期待今次拍攝同合作,總知我一定會全力以赴,向經典致敬。」

周海媚,趙雅芝,佘詩曼同內地演員高圓圓都模仿過周芷若。

其實過往歷年來有不少女演員都飾演過周芷若這個角色,例如趙雅芝、周海媚、佘詩曼及高圓圓等。其中90後(即係我)最記得佘詩曼的亦正亦邪演繹,真係少啲演技都唔得。當時佘詩曼只有26歲,都算係新人一名,而另一女主角趙敏就由黎姿飾演,真係好靚,唔知今次電影版《倚天屠龍記》會由邊個飾演呢?

黎姿飾演嘅趙敏都好經典!