韋家雄同圈外女友拍拖 做好求婚準備：我哋一拍即合
撰文：張嘉敏
出版：更新：
韋家雄大方公開新戀情。
同愛人拍拖恩愛放閃真係無分年齡㗎，從來也不只是後生仔的專利，現年五十二歲的韋家雄早前就於facebook上載了兩張他和拍拖一個月的現任女友Keynes深情咀咀相放閃，真係好sweet㗎，隔住個芒都feel到兩人甜到漏。而經此一曬，他這段新戀情亦正式曝光，一班好友和網民都紛紛留言送上祝福，對於公開這段戀情他也表現得非常大方。韋家雄雖然曾經歷婚姻失敗，離過一次婚成為了單親爹地的他卻沒有因此而不再相信愛情。
好閃呀！
香港01記者就電話訪問了韋家雄，了解一下他和女友Keynes的相識經過，他說：「係我一位TVB同事兼好友李啟傑介紹我哋識，大家約出嚟飲嘢，都可以話係一拍即合，好啱傾。」他透露這位圈外女友從事OL工作，比他年輕十多歲，不過兩人完全沒有代溝，相處得非常舒服，很夾得來，拍拖至今一個多月都很開心。他說：「我哋感覺就好似識咗好耐咁，我最鍾意佢嘅性格，思想都好成熟好識諗，佢心地好好，同我一樣都好鍾意動物，好有愛心，有領養狗狗。」
韋家雄同女友好夾得來。
韋家雄女友Keynes好靚女。
他坦言已經認定了女友Keynes為結婚對象，即使曾經離過婚，亦沒有嚇怕了他對婚姻產生恐懼，而是希望可以跟女友開花結果，有計埋結婚：「我有咁既打算，都想結婚㗎，當然一定會向女友求婚啦，想畀驚喜佢，詳情仲未plan好，希望今年會成事啦，如果佢唔拒絕我嘅話，我認定佢㗎喇。」
韋家雄大讚女友心地好有愛心。
Keynes雖然細過韋家雄10幾年，但兩人溝通完全無問題。