【萬千星輝】楊明提名5次飛躍終於攞到：大家敬老啫！

楊明話大家敬老。

楊明入行20年，都仲有機會入圍飛躍進步男藝員，佢都話自己係「old seafood」。結果入圍咗5次，終於今年都有得攞喇！

楊明上到台就話：「我都一把年紀，其餘五位入圍嘅就唔好意思，今年純粹係敬老啫。」之後佢講多謝說話，特別提起珍姐，佢講笑話：「珍姐成日話唔好多謝佢，但我都要講㗎喇，就算炒咗我都要多謝㗎喇！」最後楊明話自己好鬼緊張，身邊人都叫佢多謝女友莊思明，佢就話：「多謝咗㗎喇！」

好開心呀！（林迅景攝）

珍姐聽完笑晒！