【萬千星輝】蔡思貝奪最受歡迎電視女角色：連自己都唔鍾意自己
撰文：張嘉敏
出版：更新：
蔡思貝憑住趙正妹得獎。
無綫的《萬千星輝頒獎禮2017》最受歡迎電視女角色由蔡思貝於《踩過界》所飾演的趙正妹 (癲姐) 奪得，思貝得知自己得獎時表示得相當愕然，隨即激動得眼紅紅咬住唇強忍眼淚。她在台上多謝了好多人，亦特別多謝了自己所演的趙正妹角色。
相關文章：
【萬千星輝】唐詩詠終奪女主角 喊住多謝田蕊妮：聽我呻又陪我瞓
【萬千星輝】王浩信大熱做視帝 多謝TVB：銀行得雙位數搵咗我
思貝咬唇忍住眼淚。
思貝表示：「自從我選完港姐，4、5年啦，一路以嚟我所有嘢都好似唔係咁好，對我嘅評價，做嘅嘢都好似唔係好啱。其實嗰時好多人好唔鍾意，可能依家都有好多人唔鍾意我。令到我自己都唔鍾意我自己，開頭我以為自己ok頂得住，但最後我都頂唔住，唔想照鏡見到自己，覺得自己唔靚，咁呢個時候監製搵我演呢個醜角就好完美喇，我正正可以用呢樣特質去演呢個角色，將生活嘅經歷感受呈現出嚟，演得深入啲。多謝趙正妹出現後，令我有少少鍾意返我自己，我會用行動證明我好鍾意演戲，唔會熄嗰團火，全心全意用晒自己所有去演。」
佢話畀人批評到連自己都唔鍾意自己。
相關文章：
【萬千星輝】陳山聰捱25年終奪最佳男配角 同超雲甩拖變四失男
【萬千星輝】陳山聰捱25年終奪最佳男配角 同超雲甩拖變四失男
+5