【平安谷】沈卓盈被老公懷疑勾佬　一夜之間變寡婦被生葬

《平安谷之詭谷傳說》上星期五就講到蘇玉華為了幫遭綁架的女兒小璇籌集贖金，不惜在市集向街坊跪求可以幫她的女兒，但面對一班男街坊冷言冷語，蘇玉華最終還是離開市集回家。在回家途中就有一班女街坊送上家中一些物資，希望賣到少少金錢。去到今晚新一集，黃浩然終於救出小璇，但卻昏迷不醒，西醫懷疑小璇失憶。

相關文章：

另外，亦會講到長期遭老公戴耀明毒打的沈卓盈，被對方懷疑出軌，在家中大吵大鬧，期間戴耀明突然因心臓病發身亡。沈卓盈突然之間變成寡婦，有睇開嘅觀眾都知道係平安谷入面，如果一個女人老公死後又無仔女又無父母要照顧嘅，就要殉葬。沈卓盈亦無例外，被家族親戚按鄉例要求殉葬。同一晚上，開始有多位村民又看到鬼新娘，懷疑是第一位遭殉葬的邱青蘭（即係陳瀅）嘅鬼魂，當中蘇玉華仲會鬼上身。根據TVB的套路，大膽推算呢位鬼新娘應該係沈卓盈扮嘅，想嚇一班重男輕女嘅男村民！