【無間道】「洛威」朱鑑然似足彭于晏　顏值高仲係前香港泳隊代表

網劇《無間道》經TVB再度剪接，兼用會廣東話原聲之後，昨晚正式出街。反應意外的好，有網民大賺節奏經剪輯後，相對明快。除此之外，在劇中有不少新臉孔，就是「勝聯」其中一名手下：朱鑑然。看他粗眉大眼，驟眼望跟彭于晏有點相似，有機會上位成為新一代的男神、小鮮肉，所以是時候又跟大家溫故知新了！

看他一副陽光外型，正因為朱鑑然以前是香港游泳隊代表，如方力申一樣，都有「飛魚王子」之稱。他在大學時期做模特兒入行，2014年有份參與由彭于晏做男主角的電影《破風》，而2016年拍攝網劇《無間道》，有機會與劉松仁、羅嘉良等猛人做對手戲，直頭此生無憾喇。

其實游泳隊與藝人的工作，都是忙到癲咗，朱鑑然以前晨早5點練水，練到兩三小時就去返學，下午茶時間放學再練過，On Call 20小時，同而家都差唔多。只不過而家最大嘅分別，就係而家工作好充實，每一日都唔想放假，因為放假都會好悶咁話喎！而家退役有5年，除了游水外，朱鑑然都仲會打拳操fit自己，真係好sporty呀！相信佢之後會受一眾少女們歡迎。