江嘉敏同王浩信英國拍劇主動撩玩？ 傳返港後仲有短訊聯絡
撰文：張嘉敏
出版：更新：
王浩信奪得視帝時有多謝老婆Yoyo。
今屆無綫出爐視帝王浩信 (Vincent) 雖然一早同陳自瑤 (Yoyo) 結了婚成為人夫，不過多年來他一直都緋聞不絕，繼之前傳過緋聞的蔡思貝之後，近日又傳出有新的緋聞對象，就是TVB小花江嘉敏 (Kaman) 喇。今日有報道指Vincent早前同Kaman到英國為新劇《兄弟》拍外景時，兩人玩得好埋，而且很多時都是由Kaman做主動撩Vincent，又經常買咖啡給Vincent。據知兩人今次拍完外景返港後，依然有互相發短訊聯絡，Kaman更會特地去探班。有指之前Kaman隻眼有事，也是Vincent介紹眼科醫生給她，兩人關係極好。
Vincent雖然已經有老婆Yoyo，但都經常惹緋聞。
江嘉敏係新一代宅男女神。
報道又指身為Vincent老婆的Yoyo於頒獎禮舉行之前，原來約了樂易玲飯聚，期間Yoyo都有向樂小姐力讚自己老公，真係好為個老公着想。唔知今次老公又同其他女藝人傳緋聞，Yoyo又會有咩感覺呢？
王浩信好易同合作嘅女藝人傳緋聞，但唐詩詠就無事。
報道話江嘉敏主動撩王浩信玩。